Ang Tuko

Tukoooooooooo
Tukoooooooooo

Asa man ang tuko?
Nitago
Nitago
Manggiuwawon si tuko.

Tukoooooooooo
Tukoooooooooo

Nihunong ug tingog  

Ang tuko.
Kay ngano?
Kay ngano?
Natuk-an ang tuko.

Anugon ang Buongon

Anugon ang buongon 
Kun imo lamang 
dughit-dughiton

Huwatang mahinog
Ang buongon Ondoy
Basin imong maapil
Puhil mga itoy-itoy

Mapuwak lang kausik 
Kun imong bun-ugon.
Huwatang mahinog
Ang maong buongon.

Korokotok

Kadungog na ba ka

Sa langgam nga korokotok?

Kooooooorokotok

Kooooooorokotok

Didto sa kalibonan
Paminawa

Ang taghoy sa siloy
Ang kiyaw sa kwahaw
Ang sitsit sa tamsi
Punay og tukmo
Managlahi

Pamatia ra,
Koooooooorokotok
Koooooooorokotok