Tigmo-tigmo

Tigmo tigmo tigmo ta
Tigmo tigmo tag-ana

Sa gabii imong dat-olan
Pwede sad tandayan

Tigmo tigmo tigmo ta
Tigmo tigmo tag-ana

Ang mata naa sa ulo
And lawas naa sa ulo
Ang ulo naa sa ulo

Tigmo tigmo tigmo ta
tigmo tigmo tag-ana

Usay suongon
Duhay kuoton

Tigmo tigmo tigmo ta
Tigmo tigmo tag-ana

Sa layo pa nakaila
Sa duol nangutana

Tigmo tigmo tigmo ta
Tigmo tigmo tag-ana

Ang Balay Sa Bungtod

May balay gamay sa bungtod
Kang tatayg nanay nga gitukod
May batang gamay namintana                         
Si Inday diay tong bata
 

Si Inday nga pinangga                                              
Ni Nanay og ni tatay
Pirme lang siyang gihagwa
Kay siya ilang kalipay

Mao pay iyang pagkabat
Walo pa siya ka bulan
Makamao nang mangawhat
Mahikatulog sa duyan

Modako si Inday
sa ilang pag-atiman
Ning balay sa bungtod
Nga ilang pinuy-anan
 
Mohingkod si Inday
Ug kun sa palaran buligan
Kang nanay ug tatay
Ang tanan niyang kabulahan

Ang Tuko

Tukoooooooooo
Tukoooooooooo

Asa man ang tuko?
Nitago
Nitago
Manggiuwawon si tuko.

Tukoooooooooo
Tukoooooooooo

Nihunong ug tingog  

Ang tuko.
Kay ngano?
Kay ngano?
Natuk-an ang tuko.

Anugon ang Buongon

Anugon ang buongon 
Kun imo lamang 
dughit-dughiton

Huwatang mahinog
Ang buongon Ondoy
Basin imong maapil
Puhil mga itoy-itoy

Mapuwak lang kausik 
Kun imong bun-ugon.
Huwatang mahinog
Ang maong buongon.

Korokotok

Kadungog na ba ka

Sa langgam nga korokotok?

Kooooooorokotok

Kooooooorokotok

Didto sa kalibonan
Paminawa

Ang taghoy sa siloy
Ang kiyaw sa kwahaw
Ang sitsit sa tamsi
Punay og tukmo
Managlahi

Pamatia ra,
Koooooooorokotok
Koooooooorokotok